rma Libohova është këngëtare dhe autore këngësh. Në 40 vite karrierë ajo jeton tek publiku me këngët e saj jo vetëm në skenat e festivaleve të këngës në RTSH ndër vite, por dhe në skena të tjera ajo vijon të jetë aktive dhe në qendër të vëmendjes për krijimtarinë e saj.

Irma Libohova ka një repertor shumë të pasur në këngë, ku nuk mungojnë dhe çmimet në festivale të ndryshme. Mes tyre veçojmë këngët si: “Nuk e harroj” (1987) fituese e Festivalit të 26 të Këngës në RTSH, “1001 ëndrra” (2000) fituese e Kënga Magjike, “Prapë tek ti do vij” (2004) fituese e Kënga Magjike etj.

Publikime videoklipesh të suksesshme, duete me emrat më të njohur të muzikës shqiptare, eksperimentimet që ajo ka bërë në rryma të ndryshme muzikore – e kanë sjellë Irma Libohovën gjithmonë ndryshe, duke i vënë një vulë suksesi karrierës së saj edhe jashtë kufijve shqiptarë, me koncerte në disa vende të botës.