Erma Mici është këngëtare ambicioze, e cila nuk dorëzohet shpejt. Ajo ka filluar të merret me muzikë prej katër vitesh profesionalisht, ndonëse këndon prej 9 vitesh, duke u angazhuar në disa aktivitete muzikore të ndryshme. Erma luan pak nga instrumentet si kitara ose pianoja dhe ka pasion të shkruajë tekste këngësh.

Në vitin 2018, Erma Mici mori pjesë në edicionin e dytë të The Voice Kids Albania.

Më datë 27 Korrik 2020, Erma publikoi videoklipin “Losing Game”. Muzika e këngës u punua nga Erma Mici. “Losing Game” është debutimi i saj muzikor, i cili ka tërhequr menjëherë vëmendjen e publikut shqiptar, kjo për shkak të stilit tepër të ngjashëm me Amy Winehouse, për të cilën është shprehur se është frymëzimi i saj në muzikë.

Në Dhjetor 2022, Erma Mici mori pjesë në Festivalin e 61-të në RTSH me këngën “Kozmosi i Dashurisë”, ku fitoi çmimin e Artistes Debutuese më të Mirë. Ajo është shprehur se 2023 do të jetë viti në të cilin ka pritshmëritë për të punuar mbi një album.